धाराशिव जिल्ह्यात पोलिसांचा अवैध धंद्यांवर धडाका 🚨 दारू-जुगार अड्ड्यांवर सलग कारवाया; 90 लिटर गावठी दारूसह 1.65 लाखांची रोकड जप्त, मद्यपी चालक व गोवंश वाहतूक करणाऱ्यावरही गुन्हे!

प्रतिनिधी : प्रतीक वाघे

दारू-जुगाराविरोधात सलग कारवाया; 90 लिटर गावठी दारूसह देशी-विदेशी मद्य जप्त, 1.65 लाखांची रोकड हस्तगत; मद्यपी चालक, गोवंश वाहतूक, अपघात व मारहाणीचेही गुन्हे दाखल

धाराशिव, दि. 11 : जिल्ह्यात अवैध दारू विक्री, मटका-जुगार, मद्यधुंद वाहनचालक, गोवंशाची नियमबाह्य वाहतूक तसेच मारहाण आणि रस्ता अपघाताच्या प्रकरणांत धाराशिव जिल्ह्यातील विविध पोलीस ठाण्यांमध्ये कारवाई करण्यात आली आहे. कळंब, धाराशिव शहर, नळदुर्ग, उमरगा, येरमाळा आणि वाशी पोलीस ठाण्यांच्या हद्दीत झालेल्या या कारवायांमध्ये अवैध मद्य आणि जुगाराची रोकड जप्त करण्यात आली असून संबंधितांविरुद्ध विविध कलमान्वये गुन्हे दाखल करण्यात आले आहेत.

कळंबमध्ये 20 लिटर गावठी दारू जप्त

कळंब पोलीस ठाण्याच्या हद्दीतील गंभीरवाडी येथे दि. 10 ऑगस्ट रोजी दुपारी 2.30 वाजण्याच्या सुमारास पोलिसांनी कारवाई केली. नानीबाई देविदास शिंदे (वय 53, रा. सदाफुले वस्ती, जामखेड, जि. अहिल्यानगर, ह.मु. गंभीरवाडी, ता. कळंब) यांच्या राहत्या घरासमोरून अंदाजे 2 हजार रुपये किमतीची 20 लिटर गावठी दारू जप्त करण्यात आली. अवैध विक्रीच्या उद्देशाने दारू बाळगल्याप्रकरणी महाराष्ट्र मद्यनिषेध कायदा कलम 65(ई) अन्वये गुन्हा दाखल करण्यात आला.

धाराशिव शहरात 70 लिटर गावठी दारू जप्त

धाराशिव शहर पोलीस ठाण्याच्या हद्दीत तुळजापूर नाका ते गावसूद रोडलगत असलेल्या पत्र्याच्या शेडमध्ये छापा टाकण्यात आला. या कारवाईत अमर किसन चव्हाण (वय 43, रा. शिवाजी चौक, इंदिरानगर, ह.मु. तुळजापूर नाका, गावसूद रोड, धाराशिव) यांच्या ताब्यातून अंदाजे 7 हजार रुपये किमतीची 70 लिटर गावठी दारू जप्त करण्यात आली. याप्रकरणी महाराष्ट्र मद्यनिषेध कायदा कलम 65(ई) अन्वये गुन्हा दाखल करण्यात आला आहे.

नळदुर्गमध्ये देशी-विदेशी दारूच्या 20 बाटल्या जप्त

नळदुर्ग पोलीस ठाण्याच्या हद्दीत रामनगर तांडा, रामतीर्थ येथे पोलिसांनी कारवाई करून सुभाष दासू राठोड (वय 65, रा. रामनगर, रामतीर्थ, ता. तुळजापूर) यांच्या ताब्यातून अंदाजे 1,200 रुपये किमतीच्या देशी-विदेशी दारूच्या 20 सीलबंद बाटल्या जप्त केल्या. अवैध विक्रीच्या उद्देशाने मद्य बाळगल्याप्रकरणी कलम 65(ई) अन्वये गुन्हा नोंदविण्यात आला.

नळदुर्गमध्ये मटका-जुगारावर छापा; 18,670 रुपये जप्त

दि. 9 ऑगस्ट रोजी नळदुर्ग पोलीसांनी बाभळगाव शिवारातील तलावाजवळ वडाच्या झाडाखाली सुरू असलेल्या तिरट-मटका जुगारावर छापा टाकला.

या कारवाईत किर्तीपाल महादेव गायकवाड, सोमनाथ विठ्ठल पाटील, शेकलाल मारुती लोंढे, शिवाजी नागनाथ कांबळे आणि मोहन अंकुश थोरात यांच्याकडून जुगाराचे साहित्य व 18,670 रुपये रोख रक्कम जप्त करण्यात आली. संबंधितांविरुद्ध महाराष्ट्र जुगार प्रतिबंधक कायदा कलम 12(अ) अन्वये गुन्हा दाखल करण्यात आला.

उमरग्यात मटका जुगारावर मोठी कारवाई; 1 लाख 46 हजार 870 रुपये जप्त

उमरगा उपविभागीय पोलीस अधिकारी कार्यालयाच्या पथकाने दि. 10 ऑगस्ट रोजी सायंकाळी 5.20 वाजता तलमोड येथील आरटीओ कार्यालयाजवळ, एनएच-65 महामार्गाच्या दक्षिण बाजूस पत्र्याच्या शेडच्या मागे छापा टाकला.

या कारवाईत भिम नारायण व्हनाळे, गोविंद लक्ष्मण वडाकपुरे, महेश शिवाजी सास्तुरे, मकाजी तिपन्ना ढोणे, लखन विठ्ठल खैरे, शिवाराज नारायण व्हनाळे, धोंडीबा नरसप्पा चंढकापुरे, मोहन तुळशीराम व्हनाळे, दशरथ नारायण व्हनाळे, सुनिल राम मेकाले, राम व्यंकट भिंताळगिरे आणि कबीर गोपाळ ढोणे यांच्यासह एकूण 13 जणांविरुद्ध कारवाई करण्यात आली.

पोलिसांना त्यांच्या ताब्यातून तिरट-मटका जुगाराचे साहित्य आणि तब्बल 1 लाख 46 हजार 870 रुपये रोख रक्कम आढळून आली. जुगाराचे साहित्य व रक्कम जप्त करून महाराष्ट्र जुगार प्रतिबंधक कायदा कलम 12(अ) अन्वये उमरगा पोलीस ठाण्यात गुन्हा दाखल करण्यात आला.

मद्यधुंद अवस्थेत दुचाकी चालविणाऱ्या चालकावर गुन्हा

धाराशिव शहर पोलीस ठाण्याच्या हद्दीतील डॉ. बाबासाहेब आंबेडकर चौक येथे दि. 10 ऑगस्ट रोजी दुपारी 12 वाजण्याच्या सुमारास सत्यवान हरिश्चंद्र काळदाते (वय 42, रा. सावरगाव, ता. तुळजापूर) हा मोटरसायकल क्रमांक एमएच 25 बीसी 3362 मद्यधुंद अवस्थेत चालविताना आढळून आला. त्याच्याविरुद्ध मोटार वाहन कायदा कलम 185 अन्वये गुन्हा दाखल करण्यात आला आहे.

गोवंशाची नियमबाह्य वाहतूक करणाऱ्यावर कारवाई

धाराशिव शहर पोलिसांनी वैराग नाका येथे दि. 10 ऑगस्ट रोजी रात्री 8.15 वाजता कारवाई केली. निखली नामदेव खंदाड (वय 30, रा. वैराग, ता. बार्शी, जि. सोलापूर) हा अशोक लेलँड वाहन क्रमांक एमएच 13 ईपी 5143 मधून एका गोवंशीय गायीची वाहतूक करताना आढळून आला.

पोलिसांच्या नोंदीनुसार, गायीच्या चारापाण्याची व्यवस्था न करता तिची वाहतूक केली जात होती. गाय अंदाजे 30 हजार रुपये किमतीची, तर वाहनाची किंमत अंदाजे 3 लाख 30 हजार रुपये असल्याचे नमूद आहे. याप्रकरणी प्राण्यांना क्रूरतेने वागवण्यास प्रतिबंध अधिनियम कलम 11(1)(ब) सह प्राणी संरक्षण अधिनियम कलम 5(अ) अन्वये गुन्हा दाखल करण्यात आला.

येरमाळा : दुचाकी अपघातात मृत्यू; चालकाविरुद्ध गुन्हा

येरमाळा पोलीस ठाण्यात रस्ता अपघातासंदर्भातही गुन्हा दाखल करण्यात आला आहे. तडवळा कसबे येथील ज्ञानेश्वर धनाजी पवार (वय 35) हे दि. 12 फेब्रुवारी रोजी रात्री मोटरसायकल क्रमांक एमएच 25 एआर 5622 वरून जात असताना चोराखळी शिवारातील शेलगाव दिवाणे पाटीजवळील एनएच-52 वरील धाराशिव-येरमाळा सर्व्हिस रोडवर अपघात झाला.

पोलिसांच्या नोंदीनुसार, मोटरसायकलवरील नियंत्रण सुटून ती रस्त्यावरील डिव्हायडरला धडकली. या अपघातात ज्ञानेश्वर पवार गंभीर जखमी होऊन त्यांचा मृत्यू झाला. याप्रकरणी फिर्यादी धनाजी चंदर पवार (वय 55, रा. तडवळा कसबे) यांनी दि. 10 ऑगस्ट रोजी दिलेल्या फिर्यादीवरून भा.न्या.सं. कलम 281, 106(1), 125(ब) सह मोटार वाहन कायदा कलम 184 अन्वये गुन्हा दाखल करण्यात आला आहे.

वाशी : सामाईक बोअरवेलवरून वाद; नऊ जणांवर मारहाणीचा गुन्हा

वाशी पोलीस ठाण्याच्या हद्दीतील डोकेवाडी येथे सामाईक बोअरवेलला पाईप लावण्याच्या कारणावरून वाद झाल्याचे समोर आले आहे. दि. 8 ऑगस्ट रोजी सायंकाळी 7 वाजता शेतात संदीप साहेबराव जाधव (वय 30, रा. डोकेवाडी, ता. भूम) यांच्यावर संजय रखमाजी जाधव, अजित संजय जाधव, सागर संजय जाधव, शारदा संजय जाधव, मनोज रखमाजी जाधव, विजय रखमाजी जाधव, रजिंत विजय जाधव, विशाल मनोज जाधव आणि राजु जाधव यांनी मारहाण केल्याची फिर्याद आहे.

फिर्यादीनुसार, आरोपींनी गैरकायद्याची मंडळी जमवून शिवीगाळ केली तसेच लाथाबुक्क्यांनी, लोखंडी गज आणि वायरने मारहाण करून जखमी केले. तसेच जिवे मारण्याची धमकी दिल्याचा आरोप आहे.

याप्रकरणी संदीप जाधव यांनी दि. 10 ऑगस्ट रोजी दिलेल्या फिर्यादीवरून भा.न्या.सं. कलम 118(1), 115(2), 352, 351(2)(3), 189(2), 191(2), 190 अन्वये वाशी पोलीस ठाण्यात गुन्हा नोंदविण्यात आला आहे.

जिल्ह्यातील विविध पोलीस ठाण्यांच्या हद्दीत झालेल्या या सलग कारवायांमुळे अवैध दारू विक्री, मटका-जुगार आणि कायद्याचे उल्लंघन करणाऱ्यांवर पोलिसांची करडी नजर असल्याचे दिसून येत आहे.