🔴प्रेमसंबंधातून ब्लॅकमेलिंगचा धक्कादायक प्रकार उघड तरुणीला मानसिक दबावाखाली ठेवून अत्याचार केल्याचा आरोप छायाचित्र व्हायरल करण्याची धमकी🔴

प्रतिनिधी : प्रतीक वाघे

आंबी पोलीस ठाण्याच्या हद्दीतील एका गावात तरुणीवर लैंगिक अत्याचार केल्याचा गंभीर प्रकार समोर आला आहे.

लग्नाचे आमिष दाखवून तसेच मानसिक दबाव निर्माण करून अत्याचार केल्याचा आरोप एका तरुणावर करण्यात आला असून, याप्रकरणी आंबी पोलिसांनी गुन्हा दाखल केला आहे.

पोलिसांच्या माहितीनुसार, पीडित १९ वर्षे ८ महिन्यांची असून, गावातील एका तरुणाने तिला फोन करून “तू मला खूप आवडतेस, मला तुझ्यासोबत लग्न करायचे आहे”

असे सांगितले. त्यानंतर “मी माझ्या जीवाचे बरे वाईट करीन” अशी धमकी देत पीडितेवर लैंगिक अत्याचार केल्याचा आरोप तक्रारीत करण्यात आला आहे.

तसेच आरोपीने या घटनेचे छायाचित्रण करून ते व्हायरल करण्याची धमकी दिल्याचेही पीडितेने आपल्या फिर्यादीत नमूद केले आहे.

हा प्रकार दि. १९ नोव्हेंबर २०२४ रोजी सायंकाळी ५ वाजल्यापासून ते दि. १३ जून २०२६ रोजी पहाटे ४ वाजेपर्यंत घडल्याचे तक्रारीत नमूद करण्यात आले आहे.

या प्रकरणी पीडितेने दि. २४ जून २०२६ रोजी आंबी पोलीस ठाण्यात दिलेल्या प्रथम खबरीवरून आरोपीविरुद्ध भारतीय न्याय संहिता कलम १३७, ६३, ३५१(२), ३(५) तसेच लैंगिक अत्याचारापासून बालकांचे संरक्षण अधिनियम २०१२ (POCSO) अंतर्गत कलम ४ व ६ अन्वये गुन्हा नोंद करण्यात आला आहे.

आंबी पोलीस ठाण्याकडून या प्रकरणाचा पुढील तपास सुरू असून, पीडितेची ओळख गोपनीय ठेवण्यात आली आहे.