🚨ढोकीत दोन गटांत तुफान दगडफेक २० हून अधिक जणांवर गुन्हा दाखल ८ जखमी🚨

प्रतिनिधी : प्रतीक वाघे

धाराशिव : ढोकी येथील आझाद चौक परिसरात दत्तनगर पारधी पिडी आणि राजेशनगर पारधी पिडीतील दोन गट आमनेसामने येत जोरदार दगडफेक झाल्याची घटना १६ ऑगस्ट रोजी रात्री घडली. या घटनेत आठ जण जखमी झाले असून, ढोकी पोलिसांनी २० हून अधिक जणांविरुद्ध विविध कलमान्वये गुन्हा दाखल केला आहे.

पोलिसांनी दिलेल्या माहितीनुसार, १६ ऑगस्ट २०२६ रोजी सायंकाळी सुमारे ७.३० ते ८ वाजण्याच्या दरम्यान आझाद चौक, ढोकी येथील डॉ. लोमटे यांच्या दवाखान्यासमोर दोन गट एकमेकांसमोर आले. यावेळी दोन्ही गटांनी गैरकायद्याची मंडळी जमवून दगडफेक केल्याचा आरोप आहे.

या दगडफेकीमध्ये बापू बन्नू शिंदे, अनिलदादा शिंदे, सुनीलदादा शिंदे, बाबासाहेब आप्पा चव्हाण, राजेंद्र गुलाब चव्हाण, तोळाबाई बाबासाहेब चव्हाण, आनंद शामराव पवार आणि बिसराम बन्सी पवार हे जखमी झाल्याचे पोलिसांच्या फिर्यादीत नमूद आहे.
या प्रकरणात बबलू रामचंद्र काळे, शेषनाथ राजू काळे, दत्तू बिसराम पवार, राहुल भीमराव पवार, बापू बन्नू शिंदे, शिवकुमार रमेश काळे, रमेश बाबू काळे, राजेंद्र बाबू काळे, आनंद शामराव पवार, बिसराम बन्सी पवार यांच्यासह इतर १४ जणांविरुद्ध गुन्हा दाखल करण्यात आला आहे.

पोलीस नाईक रविकांत मधुकर जगताप यांनी १७ ऑगस्ट रोजी दिलेल्या फिर्यादीवरून ढोकी पोलीस ठाण्यात भारतीय न्याय संहितेतील कलम 110, 189(2), 189(3), 191(2), 191(3), 190 आणि 324(4) अन्वये गुन्हा नोंदविण्यात आला आहे. घटनेचा पुढील तपास ढोकी पोलीस करीत आहेत.