🚨कळंबमध्ये खळबळ! लैंगिक अत्याचार व आर्थिक फसवणूक प्रकरणातील आरोपीच्या अटकेला विलंबाचा आरोप🚨

प्रतिनिधी : प्रतीक वाघे

कळंब (धाराशिव) :
कळंब पोलीस ठाण्याच्या हद्दीत दाखल झालेल्या लैंगिक अत्याचार व आर्थिक फसवणुकीच्या प्रकरणाने आता गंभीर वळण घेतले आहे.

तक्रारदार महिलेने आरोपी संतोष अनंतराव कोठावळे याला अटक करण्यात कळंब पोलीस प्रशासनाकडून जाणीवपूर्वक विलंब केला जात असल्याचा गंभीर आरोप केला आहे.

तक्रारीनुसार, पीडित महिलेने कळंब पोलीस ठाण्यात लैंगिक अत्याचार, लग्नाचे आमिष दाखवून फसवणूक आणि आर्थिक नुकसान केल्याप्रकरणी गुन्हा दाखल केला आहे.

मात्र गुन्हा नोंद होऊन ११ दिवसांचा कालावधी लोटला असतानाही आरोपीला अटक झालेली नसल्याचा दावा करण्यात आला आहे.

पीडित महिलेने वरिष्ठ पोलीस अधिकाऱ्यांकडे निवेदन देत आरोपीला तातडीने अटक करून कठोर कारवाई करण्याची मागणी केली आहे.

अन्यथा न्याय हक्का साठी मानवी हक्क अभियान जिल्हा धाराशिव या संघटनेच्या वतीन आंदोलन छेडण्यात येईल

या प्रकरणात पोलिसांच्या तपास प्रक्रियेकडे आता सर्वांचे लक्ष लागले आहे.

आरोपीला अटक कधी? तपासाची गती वाढणार का? पीडितेला न्याय मिळणार का? याकडे कळंबकरांचे लक्ष लागले आहे.