🚨 तुळजापूरमध्ये पाणीटंचाईचे सावट; आता दोन दिवसाआड होणार पाणीपुरवठा

प्रतिनिधी : प्रतीक वाघे

तुळजापूर शहरातील पाणीटंचाईच्या पार्श्वभूमीवर नागरिकांना आता दोन दिवसाआड पाणीपुरवठ्याला सामोरे जावे लागणार आहे. तुळजापूर नगरपरिषदेत झालेल्या सर्वसाधारण बैठकीमध्ये शहरात दोन दिवसांच्या अंतराने पाणी सोडण्याचा निर्णय जाहीर करण्यात आला.

पाणीटंचाईची परिस्थिती लक्षात घेता नागरिकांनी पाण्याचा जपून वापर करावा तसेच नळांना तोट्या बसवून पाण्याची नासाडी टाळावी, असे आवाहन काँग्रेस पक्षाचे तालुका अध्यक्ष अमोल कुतवळ यांनी केले आहे.

नगरपरिषद प्रशासनाच्या या निर्णयाला नागरिकांनी सहकार्य करावे, असे आवाहन करण्यात आले आहे.