प्रतिनिधी : प्रतीक वाघे
तुळजापूर : भारतीय शेतकरी कामगार पक्षाच्या तुळजापूर येथील कार्यालयात पक्षाच्या वतीने रवींद्र इंगळे यांची स्वाभिमानी शेतकरी संघटनेच्या मराठवाडा विभाग प्रमुखपदी निवड झाल्याबद्दल सत्कार करण्यात आला. त्यांच्या निवडीबद्दल उपस्थित पदाधिकारी, कार्यकर्ते आणि शेतकरी बांधवांनी अभिनंदन करत पुढील कार्यासाठी शुभेच्छा दिल्या.
रवींद्र इंगळे यांच्यावर स्वाभिमानी शेतकरी संघटनेने मराठवाडा विभागाची महत्त्वाची जबाबदारी सोपविल्याने संघटनेच्या कार्यकर्त्यांमध्ये उत्साहाचे वातावरण आहे. मराठवाड्यातील शेतकरी, शेतमजूर तसेच कष्टकरी वर्गाच्या विविध प्रश्नांना प्रभावीपणे वाचा फोडण्यासाठी संघटनेच्या माध्यमातून आगामी काळात व्यापक काम करण्याचा विश्वास यावेळी व्यक्त करण्यात आला.
शेतकऱ्यांच्या विविध समस्या, शेतीमालाला योग्य भाव, शेतकऱ्यांचे हक्क तसेच ग्रामीण भागातील प्रश्नांसाठी संघटितपणे आवाज उठविण्याची गरज असल्याचे उपस्थितांनी सांगितले. रवींद्र इंगळे यांच्या निवडीमुळे मराठवाड्यात स्वाभिमानी शेतकरी संघटनेच्या कार्याला अधिक बळ मिळेल, अशी अपेक्षा यावेळी व्यक्त करण्यात आली.
या सत्कार कार्यक्रमास युवराज (बाबू) पवार, जगदाळे सर, किरण खपले, भाई उत्तम नाना, अमृतराव, बाळासाहेब कुतवळ, चंद्रकांत साहेब साळुंखे, मारुती नाईवाडी, शिव भांजी, रोचकरी (सावकार), अशोक (मामा) साळुंखे, श्रीकांत वाघे, कल्याणराव भोसले यांच्यासह पदाधिकारी, कार्यकर्ते व शेतकरी बांधव उपस्थित होते.
यावेळी उपस्थितांनी रवींद्र इंगळे यांचे अभिनंदन करून मराठवाडा विभाग प्रमुख म्हणून त्यांच्या पुढील वाटचालीस शुभेच्छा दिल्या. तसेच शेतकरी आणि कष्टकरी वर्गाच्या प्रश्नांसाठी संघटनेच्या माध्यमातून अधिक प्रभावीपणे काम करण्याची अपेक्षा व्यक्त करण्यात आली.
रवींद्र इंगळे यांची स्वाभिमानी शेतकरी संघटनेच्या मराठवाडा विभाग प्रमुखपदी निवड; भारतीय शेतकरी कामगार पक्ष कार्यालयात उत्साहात सत्कार
