प्रतिनिधी : प्रतिक वाघे
धाराशिव : काँग्रेस पक्षाच्या संघटनात्मक बांधणीसाठी व जिल्ह्यात पक्षाची ताकद वाढविण्यासाठी कार्यरत असलेल्या काँग्रेस धाराशिव जिल्हाध्यक्षांचा माजी काँग्रेस धाराशिव जिल्हाध्यक्ष धीरज पाटील तसेच तुळजापूर नगरपरिषद विरोधी पक्ष गटनेते अमोल कुतवळ यांच्या हस्ते पुष्पगुच्छ व शाल देऊन जाहीर सत्कार करण्यात आला.
या सत्कार कार्यक्रमावेळी काँग्रेस पक्षाचे पदाधिकारी, कार्यकर्ते व विविध क्षेत्रातील मान्यवर मोठ्या संख्येने उपस्थित होते. यावेळी उपस्थितांनी जिल्हाध्यक्षांच्या नेतृत्वाचे कौतुक करत पक्ष संघटन अधिक मजबूत करण्यासाठी सर्वांनी एकजुटीने काम करण्याची गरज व्यक्त केली.
माजी जिल्हाध्यक्ष धीरज पाटील यांनी आपल्या मनोगतात काँग्रेस पक्षाची विचारधारा सर्वसामान्यांपर्यंत पोहोचविण्यासाठी कार्यकर्त्यांनी सक्रिय राहावे, असे आवाहन केले. तर विरोधी पक्ष गटनेते अमोल कुतवळ यांनी स्थानिक पातळीवरील जनतेचे प्रश्न सोडविण्यासाठी काँग्रेस पक्ष सातत्याने लढा देत असल्याचे सांगितले.
सत्काराला उत्तर देताना जिल्हाध्यक्षांनी पक्षाने दिलेल्या जबाबदारीचे प्रामाणिकपणे पालन करून आगामी काळात संघटन वाढीसाठी अधिक जोमाने काम करण्याचा विश्वास व्यक्त केला. कार्यक्रमात कार्यकर्त्यांमध्ये उत्साहाचे वातावरण पाहायला मिळाले.
